ଏକ ଧଳା ରଙ୍ଗର ବ୍ରୋଲେଟ୍ ଓ ପ୍ୟାଣ୍ଟ୍ ପିନ୍ଧିଥିବା କଙ୍ଗନାଙ୍କ ଫଟୋଗୁଡ଼ିକୁ ଦେଖି ଜଣେ ଫ୍ୟାନ୍ ଲେଖିଛନ୍ତି, ‘‘ଆପଣ ନିଜେ ସନାତନ ଧର୍ମରେ ବିଶ୍ୱାସ କରୁଥିବା ଜଣେ ସୁନ୍ଦରୀ ମହିଳା… ତେବେ ଏ ସବୁ କ’ଣ ହେଉଛି?’’ଅଭିନେତ୍ରୀ କଙ୍ଗନା ରାଣାୱତ କେବଳ ନିଜ ଫିଲ୍ମ ପାଇଁ ନୁହେଁ ବରଂ ନିଜ ବିବୃତ୍ତି କାରଣରୁ ଖୁବ୍ ଚର୍ଚ୍ଚାରେ ରହନ୍ତି । ଏହି ଅଭିନେତ୍ରୀ ପ୍ରାୟତଃ ଏମିତି କିଛି କୁହନ୍ତି ଯେଉଁ କାରଣରୁ ତାଙ୍କ ପାଇଁ ଅଡୁଆ ଆସିଥାଏ । କିନ୍ତୁ ଆଜିକାଲି କଙ୍ଗନା ନିଜ ଚଳଚ୍ଚିତ୍ର କିମ୍ବା କୌଣସି ବିବୃତ୍ତି ପାଇଁ ନୁହେଁ, ବରଂ ଏକ ଭିନ୍ନ କାରଣ ପାଇଁ ଚର୍ଚ୍ଚାରେ ଅଛନ୍ତି । ନିକଟରେ କଙ୍ଗନା ନିଜର କିଛି ଫଟୋ ଇନଷ୍ଟାଗ୍ରାମରେ ଶେୟାର୍ କରିଛନ୍ତି, ଯେଉଁଥିରେ ତାଙ୍କୁ ବହୁତ ବୋଲ୍ଡ ଲୁକରେ ଦେଖିବାକୁ ମିଳିଛି ।
ଏହି ଫଟୋଗୁଡ଼ିକ ପାଇଁ ସୋସିଆଲ୍ ମିଡି଼ଆ ବ୍ୟବହାରକାରୀମାନେ କଙ୍ଗନାଙ୍କୁ ଟାର୍ଗେଟ କରିବା ଆରମ୍ଭ କରିଛନ୍ତି । କଙ୍ଗନା ରାଣାୱତଙ୍କ ଏହି ଫଟୋଗୁଡ଼ିକ ପଛରେ ସୂର୍ଯ୍ୟାସ୍ତ ଦୃଶ୍ୟମାନ ହେଉଛି । ଅଭିନେତ୍ରୀ ଏକ ହ୍ରଦ କୂଳରେ ଠିଆ ହୋଇଛନ୍ତି । ଫଟୋରେ କଙ୍ଗନାଙ୍କୁ ଏକ ଧଳା ରଙ୍ଗର ବ୍ରୋଲେଟ୍ ଓ ପ୍ୟାଣ୍ଟ୍ ପିନ୍ଧିଥିବା ଦେଖିବାକୁ ମିଳିଛି । ସେ ନିଜ ଲୁକକୁ ଏକ ବନ୍ ଓ ବେକରେ ଏକ ସୁନା ଚେନ୍ ସହିତ ପୂରା କରିଛନ୍ତି । ଫଟୋଗୁଡ଼ିକରେ କଙ୍ଗନା ବହୁତ ସୁନ୍ଦର ଦେଖାଯାଉଛନ୍ତି । ଫଟୋ ଶେୟାର କରି ସେ ଗାଲିବଙ୍କ ଏକ କବିତାକୁ କ୍ୟାପସନରେ ଲେଖିଛନ୍ତି ।
All images credits: Kangana Ranawat's instagram